Award Ceremony of Mizoram Cleanliness Competition,2021 and Swachhta Conclave, 2022

Image information

  • Name: Award Ceremony of Mizoram Cleanliness Competition,2021 and Swachhta Conclave, 2022
  • Venue: Vanapa Hall
  • update Date: 13.05.2022

Aizawl, the 13th May 2022: Deputy Chief Minister Pu Tawnluia chuan vawiin khan Urban Development & Poverty Alleviation (UD & PA) Department bultuma Mizoram pum huapa faina kawnga inelna an buatsaih 'Mizoram Cleanliness Competition 2021' lawmman semna hun Vanapa Hall a an buatsaih chu khuallian niin a hmanpui a. He hun hi Pu C. Lalmuanpuia, MLA; Vice Chairman, Veterinary, Fisheries & Sericulture Development Board ni bawk pawhin khualzahawm niin a hmanpui a. Chawhnu lamah faina kawnga hmalakna hrang hrang inhrilhhriatna leh puanzarna programme 'Swachhta Conclave 2022' hman a ni bawk.

Deputy Chief Minister Pu Tawnluia chuan kum 2014 a Hnam Pa Mahatma Gandhi piancham vawi 125-na thlen puala Sawrkar Laipuiin Faina Beihpui Swacch Bharat Mission a thlak chu Mizoram pawhin tun thlengin theihtawp chhuahin hma a lak zel thu a sawi a. Faina leh thianghlimna kawnga Sawrkar hmalakna leh he thila khawtlang hruaitute leh tlawmngai pawl hrang hrangte thawhona leh tanho zarah Aizawl leh Mizoram khawpui dangte chuan faina kawngah hma an sawn chak nia a hmuh thu a sawi a. Mizoram chu pawna daileng awmlohna ODF ah 2017 ah puan anih thu sawiin ODF aia dinhmun sang zawk ODF Plus a Mizoram a awm thei abik takin vantlang hmuna zunram thiarna hmun te siam belh leh a awmsa te tih changtlun kawngah Department in theihtawp a chhuah mek tiin a sawi.

Bawlhhlawh hman tangkai leh sawngbawl kawnga Sawrkar hmalakna thenkhat te sawi zau in Department chuan Self Help Group te hmang tangkaiin bawlhlawh atanga thil tangkai siamchhuah Waste to Earth ruahmanna a kalpui mek thu a sawi a. Bawlhhlawh atanga thil tangkai siamchhuah leh bawlhhlawh tawih ral thei atanga lei tha siamchhuah home composting te chu Sawrkar flagship programme SEDP hnuaia Trade thlan theiha ruahman a nih thu a sawi bawk a ni. Faina kawnga Sawrkar hmalakna te chu Sawrkar ang chauhin a tih theih lova hetah hian mipuite tawiawmna leh pawl te thawhhona tel lo chuan hma a lak theih tak tak lo tih hre reng chungin Sawrkar tawiawma theihtawp chhuahpui chhunzawm zel turin ka chah duh che u a ni tiin a sawi.

Pu C. Lalmuanpuia pawhin thu sawiin Swachh Bharat Mission hnuaia hmalakna te chuan rah tha tak a chhuah mek thu leh hmasawnna tam tam tak hmuh tur a awm tawh a ni a ti.

Hun kaihruaitu Pu K. Lalthawmmawia, Secretary, UD & PA Department chuan faina leh hmasawnna hi kalkawp tlat anih dante sawiin Mizoramin faina kawnga hmalakna kan neih that rualin leh ram pumah hriat kan hlawh rualin tan lakna tur leh hmasawnna tur kan nei, a ti.

Pu H. Lianzela, Director, UD&PA chuan Mizoram Khawpui Fai Intihsiakna buatsaih a nih chhan te leh kum hmasa lama kalpui anih dan te kalkhawmte hnenah a sawi.

Lawmman te hi Khawpui Fai lawmman bakah faina kawnga Local Council leh Village Council thawk tha te, Faina leh thianghlimna kawnga kum 2021 chhunga hmasawn chak District Headquarters leh khawpui dangte atangin pakhat ve ve thlan chhuah niin, lawmman pek an ni bawk a. Hei bakah hian khawpui hrang hrang atanga thlanchhuah Faina Pasaltha ‘Swachhta Warriors’ 9 hnenah chawimawina hlan an ni bawk.

He intihsiakna-ah hian Mizoram-a khawpui (Notified Town) 28 te hetiang hian then an ni:-

Category 1- Aizawl City (AMC - 19 Wards Competition)
Category 2- District Headquarters (10 district headquarters)
Category 3- Other Urban Towns (17 Urban towns)
Lawmman lak dan chu hetiang hi a ni:-

Category-I (Aizawl City):

1st Prize: Ward XVIII- Rs. 2,22,222 with Certificate
2nd Prize: Ward III - Rs. 1,11,111 with certificate
3rd Prize: Ward X - Rs. 77,777 with certificate
Category-II (District Headquarters):

1st Prize- Saitual – Rs. 2,22,222 with certificate
2nd Prize- Lunglei – Rs. 1,11,111 with certificate
3rd Prize- Mamit - Rs. 77,777 with certificate
Category-III (Other Urban Tawns):

1st Prize- Biate – Rs. 2,22,222 with certificate
2nd Prize- Ngopa – Rs. 1,11,111 with certificate
3rd Prize- West Phaileng – Rs. 77,777 with certificate
Best Local Council

1st Prize- Laipuitlang Local Council- Rs. 55,555 with certificate
2nd Prize- Salem Veng Local Council – Rs. 33,333 with certificate
3rd Prize- Republic Vengthlang Local Council – Rs. 11,111 with certificate
Best Village Council

1st Prize- Tumpui, Kolasib VC- Rs. 55,555 with certificate
2nd Prize- Kawrthah Joint VC - Rs. 33,333 with certificate
3rd Prize- Dinthar, Khawzawl VC- Rs. 11,111 with certificate
Fastest Mover Town of District Headquarters: Hnahthial- Rs. 11,111 with certificate

Fastest Mover Town of Other Urban Towns: Khawhai- Rs. 11,111 with certificate

Axis Bank in an donate Garbage Truck hi Category - III 1st Prize winner, Biate in an dawng a, HDFC pek Dustbins hi Awardees zawng zawng ten an dawng a ni.

Faina kawnga hma la tha, Faina Pasaltha ‘Swachhta Warrior’ chawimawina mi pakua (9) hnenah hlan a ni: -

Rohmingthanga- Bazar Veng, Serchhip
Zionthanga- Keifang Venglai, Saitual
F. Lalmuanpuia- Ngopa
B. Lalruatsanga- Zawlbuk Veng, Biate
H. Lalhmangaiha- Kahrawt, Champhai
Elvis Lalthangzuala- Council Veng, Lawngtlai
Vanrammawii- New Siaha East-I, Siaha
R. Lalengliana- Rahsi Veng, Lunglei
C. Lalrinthanga, Zotlang, Aizawl

He hunah hian swachhata ranking puan nghal a ni a, ward/ khawpui hrang hrang te ranking chu hetiang hi a ni:-

RANKING OF CATEGORY-1 (AIZAWL CITY)

RANK
WARD
1
Ward 18
2
Ward 3
3
Ward 10
4
Ward 16
5
Ward 14
6
Ward 4
7
Ward 12
8
Ward 8
9
Ward 5
10
Ward 9
11
Ward 17
12
Ward 11
13
Ward 15
14
Ward 2
15
Ward 6
16
Ward 13
17
Ward 7
18
Ward 19
19
Ward 1

RANKING OF CATEGORY-2 (DISTRICT HEADQUARTERS)

RANK
DISTRICT
1
Saitual
2
Lunglei
3
Mamit
4
Khawzawl
5
Serchhip
6
Kolasib
6
Hnahthial
8
Champhai
9
Lawngtlai
10
Siaha

RANKING OF CATEGORY-3 (OTHER URBAN TOWNS)

RANK
DISTRICT
1
Biate
2
Ngopa
3
West Phaileng
4
Kawrthah
5
Thenzawl
6
Zawlnuam
7
Khawhai
8
Lengpui
9
Phullen
10
Bairabi
11
Farkawn
12
N. Vanlaiphai
13
N. Kawnpui
14
Tlabung
15
Darlawn
16
Sairang
17
Vairengte

Mizoram Khawpui Fai lawmman semna inkhawm hi chawhma lamah zawhfel niin, chawhnu session ah hian Faina Inkhawmpui ‘Swachhta Conclave’ neih a ni. He hun hi Pu H. Lianzela, Director, UD&PA in kaihruaiin, UD&PA Department atang vek hian Pu Malsawmzuala, Joint Director (Admin), Pi Lalhruaitluangi, Deputy Director (HQ), Pu PC Lalmalsawma, Asst. Sanitation Officer leh Pu R. Lalnuntluanga, Sanitation Expert, Swachh Bharat Mission (Urban) ten kalkhawmte hi Faina leh Thianghlimna bakah Bawlhhlawh sawngbawl chungchangte, Open Defecation Free Plus leh Swachh Survekshan chungchang bakah Single Use Plastic thatlohna te presentation pe in an zirtir a ni. Hemi hnu hian sawihona hlawhtling taka neih zui a ni a, hmalak zel dan tur zau takin an sawi ho a ni.

He Faina Khawmpui hi khawpui hrang hranga SBM(U) Nodal Officers te bakah AMC Councillors te, Local Council leh Village Council zawng zawng atanga thlanchhuah Swachhta Ambassadors te leh NGO leh Faina lama hma la tha mi sawm bik kalkhawmte’n an chhim a. Swachhta Ambassadors te hi Faina leh Thianghlimna kawnga kumtluana palai an nih angin lawmthu sawina pek vek an ni bawk.

Mizoram Khawpui Fai inelna hi October ni 2, 2021 atanga tanin November ni 30 thleng Mizoram khawpuite pawh an inpuahchah a, December ni 1, 2021 ah endiktute’n endik tanin, Mizoram khawpuite hi faina leh thianghlimna mai piah lamah bawlhhlawh sawngbawl dan tha te, inthiarna fai, tha leh changtlung bakah Garbage Free ni tura an hmalaknaah te leh ram leilung humhalhna kawnga an hmalaknaah te endik an ni.